پیر فرح بخش فرحت سہروردی | تعارف
آپ پیر کرم شاہ المشہور مسیتا شاہ رحمتہ اللہ علیہ کے فرزند ارجمند تھے، آپ کے تین دو سرے بھائیوں کے نام پیر مراد شاہ، پیر قلندر شاہ اور پیر سکندر شاہ ہیں۔ سال ولادت ۳۲ دسمبر ۱۸۴۲ء تھا، آپ علم و فضل میں ایک منفرد مقام رکھتے تھے۔
۱۸۴۸ء میں جب کہ آپ صرف پانچ برس کے تھے سکھوں کے ظلم و ستم کے باعث اپنے والد کے ہمراہ لکھنؤ تشریف لے گئے، واپسی پر آپ کے والد کی شہادت واقع ہوئی اور وہیں لاہور آگئے۔ اس وقت آپ کی عمر ۱۲ سال تھی۔ آپ نے دو شادیاں کیں، پہلی بیوی کی سے ایک لڑکا پیر حیدر شاہ اور لڑکی نور سلطان پیدا ہوئی اور دوسری بیوی سے دو لڑکیاں تولد ہوئیں۔
تصنیفات
آپ نے اذکار قلندری تصنیف کی ہے جو کہ ایک معرکۃ الآرا کارنامہ ہے، بڑے عالم فاضل اور قابل انسان تھے، آپ نے بھائیوں نے فارسی کے علاوہ اردو میں بھی لکھا ہے مگر آپ نے صرف فارسی ہی میں تصنیف و تالیف کا کام کیا ہے۔
اذکار قلندری، میں آپ نے حضرت پیر قلندر شاہ قادری چشتی نقشبندی سہروردی رحمتہ اللہ علیہ کے حالات خاص طور پر تحریر فرمائے ہیں، اس کے علاوہ حضرت چوہڑ شاہ بندگی لاہوری رحمتہ اللہ علیہ کے آباؤ اجداد اور اولاد اور مریدان خاندان جلیلہ کے بھی حالات لکھے ہیں، اس کے علاوہ آپ نے قصہ سسی پنوں جنگ وجدل سیالکوٹ مابین راجہ سالباہن و بکرماجیت، عبداللہ اور رادھا کا مشہور عشق کا قصہ بھی تحریر فرمایا ہے۔
وفات
آپ کی وفات 1456 ہجری بمطابق 1840 میں سکھوں کے عہد حکومت میں ہوئی آپ کا مزار رتہ پیراں میں ہے۔ عمر وصال 65 برس تھی۔